सामाजिक

पहिल्या अर्थसंकल्पात नोकऱ्यांवर भर देण्याची शक्यता; लघु उद्योगांना प्रोत्साहन

अर्थमंत्री निर्मला सीतारामन शनिवारी राज्यांच्या अर्थमंत्र्यांची भेट घेऊन अर्थसंकल्पावर त्यांची मतं जाणून घेतील. त्यानंतर दुपारी जीएसटी कौन्सिलची बैठक होईल. पीएलआय योजनेचा विस्तार अधिक भागात करण्याचा प्रस्ताव काही काळापासून विचाराधीन आहे. त्यामध्ये विशेष केमिकल सेक्टरचाही समावेश आहे. युरोपियन कंपन्या या क्षेत्रात मागे हटत आहेत. गुंतवणुकीच्या आकाराची त्यांची चिंता असते. परदेशी कंपन्यांना याबाबत सरकारकडून स्पष्टता हवी आहे.

एमएसएमई पॅकेजचा तपशील अद्याप निश्चित करण्यात आलेला नाही, परंतु छोट्या कंपन्यांना बळकटी देण्याचं सरकारचं उद्दिष्ट्य आहे. शेती पाठोपाठ हे क्षेत्र सर्वाधिक रोजगारक्षम क्षेत्र आहे. त्यामुळे अर्थसंकल्पात यावर विशेष भर अपेक्षित आहे. नुकत्याच झालेल्या लोकसभा निवडणुकीत रोजगाराचा मुद्दा ठळकपणे ऐरणीवर आला आणि या मुद्द्यावर प्रचंड असंतोष असल्यानं भाजपला बहुमताचा आकडा गाठता आला नाही, असं मत अनेक निरीक्षकांनी व्यक्त केलं. महिलांच्या उत्पन्नाची पातळी वाढावी आणि त्यांचा कार्यक्षेत्रातील सहभाग वाढावा, यासाठीही अनेक सूचना करण्यात आल्या आहेत.

Related Articles

Leave a Reply

Your email address will not be published. Required fields are marked *

Back to top button